Dubbiin addunyaa
namaan galtuu
Tam irraa qabattee
tamiin akka dhiiftu
Buburreenis
hoggaa daalachoomtu
Nama dhiba haalli
garam akka gortu.

Akka durii mitii
sammuun nu adooltee
Bilicliccee hin taane
nutti bareechitee
Teenyaan jannus
afaan wallaalchiftee
Faagatti deebisuuf
miila dheereeyfatte.

Kan dur bakka jiru
shirgiggaateen argaa
Goonni gootaan beeynu
amma ni baaraga
Qoma dhiibaan duris
mataa gad cabsee
Tana hunda garree
afaan nu wallaalchise.
.
.
.
____
07/07/17 Nairobi

WALALOO Jaalala Facebook

TAPHA KUBBAA MIILAA

T A P H A   K U B B A A  M I I L A A

Taphni kubbaa miilaa kan dhiheenya kanaa

Nashaaxa hin qabuu usneeti daawwanna

Kan duraan taphatus amma ni batachaa

Goolii bakka wallaalee ifumatti galcha.

Inni jidduu taphatu hiriyaaf dabarsaa

kan silaa karra eegu harkuma facaasaa

Morkataan miliqsee goolii itti mirmirsaa

Boqannaan duratti takkaaf duwwaa baasa.

Dirree alagaatti waliin wal dorgoomaa

Boqonnaan boodatti tahe duwwaaf lama

Deeggartoonni gamanaa hamilee cabanii

Gammachuudhaan galan warri gama kaanii.

Gaafa dirree ofiitti tapha biraa qabu,

Taphattoota filuu irratti wal dhabu

Dirree ol seennaan jeequmsa eegaluu,

Lama keelloo argatee sadii diimaan galu.

Fuul-duraaf hin sobaminaa tun isiniif gorsaa

Kubbaa yeroo dhiittan firraa achi fageeysaa

Waliin wal ilaaluun kennaa waliif dabarsaa

Goolii naqaa mo'adhaa geeba argamsiisaa!

______

Najiib Zannuun

05 APR 2017

Kan ifni kessanuu akkanaa

dukkanti teessan akkamumaa?

Beekaan keessan kunoo kanaa

Barnoonni isaa hangasumaa?

Ifni keessanuu cillimii

Tan dukkanaa waan himanii

Hayyuun himtan kanumaa mii?

Duuba wallaalaan isa kami?

Hayyuuf beekaa hojiit ibsaa

Doktara tahuun faaydaan isaa

Waan dalaguut mirkaneessaa

Tantee tuni maddi eessaa?

Silaa barnootaan digrii tuultee

Yoo hin beeyne waan baratte,

Wallaalumaan faagaa baatee

Duuba maali faydaan tantee?

Digrii ba'achuun sumaaf dantaa

Maqaaf taatee maal nuuf gootaa?

Afaan banan sammuu mul'ataa

Yoo wallaalummaa fagoo jirta!

Mee siinillee hayyuu jennu

Hayyuu maal haa moggaafnu?

________

Najiib Zannuun

ABDII QOPHEE EENYU?

Jaalala hin beekuu

jibbi qaama wal gahee

Fakkeeffatee sobuun

hannumaan ol bahee

Warreen fakkaattii isaa

Tan sammuun adoolte,

Wali qabee muuddatuun

yakkaa uumuuf hidhate!

--

Osoo ooleen bulin

summii isaa facaasee

Walitti hammeeysee

nagaya booreeysee

Wal shakkii uumuun

Hammeenya magarsee,

Addunyaa qooduun

walitti girgireeyse!

--

Kan hundeen isaa shiraa

Isa sammuun cubbuu

Tan mataa ofii malee

namummaas waan qabuu

Dhugaa jirtu dhooysuun

Sobuma isaa hafarsaa

Humaatis waan taruu

Silaa ifuma rakkisaa!

Kan amma xaax je'u boodee isaa eeynaa

Irraa nu haa baraaru cubbuu bara kanaa!

Najiib Zannuun
2016

Waan ijaan hin argin sobanii fakkeessuun,

Hinjirre uumanii maqaa wal balleessuun,

Akka macaafa qulqulluutti Cubbuudha

Akka Quraana muslimaattis diliidha

Akka aadaa teenyaattis safuudhaa

Kana tahuu baraa irraa of qusadhaa!