ABDII QOPHEE EENYU?

Jaalala hin beekuu

jibbi qaama wal gahee

Fakkeeffatee sobuun

hannumaan ol bahee

Warreen fakkaattii isaa

Tan sammuun adoolte,

Wali qabee muuddatuun

yakkaa uumuuf hidhate!

--

Osoo ooleen bulin

summii isaa facaasee

Walitti hammeeysee

nagaya booreeysee

Wal shakkii uumuun

Hammeenya magarsee,

Addunyaa qooduun

walitti girgireeyse!

--

Kan hundeen isaa shiraa

Isa sammuun cubbuu

Tan mataa ofii malee

namummaas waan qabuu

Dhugaa jirtu dhooysuun

Sobuma isaa hafarsaa

Humaatis waan taruu

Silaa ifuma rakkisaa!

Kan amma xaax je'u boodee isaa eeynaa

Irraa nu haa baraaru cubbuu bara kanaa!

Najiib Zannuun
2016

Waan ijaan hin argin sobanii fakkeessuun,

Hinjirre uumanii maqaa wal balleessuun,

Akka macaafa qulqulluutti Cubbuudha

Akka Quraana muslimaattis diliidha

Akka aadaa teenyaattis safuudhaa

Kana tahuu baraa irraa of qusadhaa!

Xiqqaan guddaa yoon kabajne,

Guddaan xiqaa yoo hin beeyne,

Tan itti jirruuf nu rakkisaa

Galma gahuuf nu dhibeeysa!

Waliin haa yaanu, jibba lakkifnee

Waliif quudhuun wal jaalannee

Shira dheeysaa, waan nu muraa

Gad jabeeysaa, waan nu jaaraa!

Tokko tahaa wal dhagayaa

Wajjiin yaa'aa wal dandayaa

Dhugaa irratti waliif galaa

An xumuree nagayaan bulaa!

16/12/2016

YAA SABA KOO

Yaa sabakoo gaarii yaa ummata fannaana

Diina keenya hamaaf qaawa hin baninaa!

Wal komii lakkifnee qabsotti haa bobbaanuu

Teenya itti deebinaa tana haa hobbaafnuu!

Diinaaf gammachuudha wal komachuun keenya

Qabsootti haa dachaafnu qaamaaf qalbii teenya!

Dubbii mana keessaa baala irra kaayaa

Jabduu harkaa nu qabdu irratti bobbayaa!

Diina girgiraawee bakka seenu dhabe,

Nuti akkan taane isaan saniif dibbee!

Osoo saba dhumeef imimmaan harca'uu

Garaa kamtu danda'ee walumaan wal a'u?

Kan olola ooftan afaan keessan qaphaa

Kan wal lolaa jirruun walii mitii nyaaphaa!

Kan dandeessan dandeettiin bira dhaabbadhaa

Kan dadhabdan du'aa'iin Rabbii keessan kadhaa!

Kana dhaamsi kiyyaa sirritti hubadhaa

Oromoo hundaahuu isinin jaaladhaa

Har'aaf hanganumaa nagayatti jiraadhaa!

-Najiib Zannuun

March 2016

Ilmi namaa hundi uumamaan tokko tahus garuu yaada,kaayyoo,fedhinnaa fi ilaalcha garaa-garaa qabaachuu mala. Waan tokko jaalatu tokko jibbuu,Kan tokkoof gaarii tokkoof hamaa tahuu danda'a. "Kan tokkoof baalaa tokkoof gaala,kan tokkoof dammaa tokkoof dhama". Akkuma jedhamu sani. Kanas waa maleef hin kaafne. Dubbii gama 'facebook' kanaan oliif-gad meerattu hedduu argaa jirra. Namni waan itti fakkaate dubbachuu mirga akka qabu ni beeyna. Haata'u malee waanni isatti fakkaatee isaaf dhugaa kan biraa biratti soba tahuu mala. Ilaalcha mataa ifii qofaan waan barbaadan dubbatanii namuu ilaalcha akka kiyyaa maa hin qabaanneenis waan namaaf hin liqimfamne. 

Gama biraatiin namoonni hojiif iddoo tokkotti qacaramu osoo hojii hin jalqabiniin dura ulaagaalee barbaachisaa erga guutanii booda,seeraa fi heera ittiin bulmaata iddoo itti hojii hojjatanii san kabajuun hojii isaanii hojjatu. Seeraa fii heera san cabsanii yoo argaman hojii san itti fufuu hin danda'an. Namoonni tokko tokkos kanumarraa ka'anii waan ifii jaalatan kan seeraaf heera cabsu maaf hin taane jedhanii yeroo tahuu didde keessaa bahanii olola jalqaban. San dura garuu ani maali,inni maali,maaliif didame jedhanii xinxalanii ifiin if gaafachuu kan qaban dubbii biraa oofan. Dhimma mataa ifii ummatattiin as bahanii olola oofuun kabajaa isaanii irraa hir'ifti malee goota isaan hin taasiftu. Kana hubachuutu irra jiraata.

Isinitti gabaa!

-Najiib Zannuun

Guyyumaan guyyatti tooftaa jijjiirattii

Kaleessa waan biraa,har'as tan addaati

Tunis jalaa fashaltu boruuf karoorfattii

Jaaramuuf gadditee, diiguuf wixirfatti.

Darsaa-dabbuuq tooftaan isaanii shame,

Jaanjoo dhamaatee lambaan isaanii dhaame,

Akkaa-gara dhablee cubbumaaf uumamte,

Sabni qaata furgise mataan naanneeffatee.

Hangam wixxifattee oliifi-gadi kaattu

Shira xaxuuf jattee goda meeqa kortu, 

Doofaan humaan beeyne,humaatuu hintartuu

Gowwaan hambaan qabne, Abaduun milkooytu!