ADDUNYAA CUBBUUT DHUGAA MOOHE

ADDUNYAA CUBBUUT DHUGAA MOOHE

"Ni dhageeysaa ka'i hin callisin harmee
Hin rafinii ka'i maa callifta mee!"

Jedhee ilmi booye imimmaan harcaasee
Inni way hubatee akka diinni ajjeese
Haadha biraa gatuun ilma dirret dhiisee
Fira-dhablee gootee kophaa isa hambise.
Tan isaa fakkeenyaa hunda wahin ibsee
Takka takkaan himuuf hin fixu barreeysee.

Guddaa bira tartee daa'iman hanqannee
Silaa tan gurguddaa waan heerrega hin qabnee
Hedduu roorrifaman takkaa addan cinnee
Fala wallaalleeti namuu afaan qabanne.

Imimmaan harcaase namuu,garaa dadhabatee
Firummaaf mitii namummaaf laalatee
Gochaa suukanneessaa oftuultoonni raawwate
Warri addunyaa ofiin yaamtu,harka isii marattee
Kan silaa dhimmamus afaan cuqqaallate.

Matootiin shira xaxxooni ifiif wal gurmeeysee
Mataa walit qabuun hariiroo diriirsee
Fakkaattoota isaanii if jala hiriirsee
Kan mirga ifiif falmu uggura irra keeysee
Waanuma if taheef guddina hanqise.

Kanneen guddinaan haalaan qaroome,
Maqumasaa qofaan gaditti laalamee
Akka hin guddanne itti kiyyeeffamee
Mataa gad-qabuun cubbuun daboolame.

Tan silaa guddittii, tan yaamnuun ardii nagayaa
Jattee calliftee laalte, "an maaltu naan gayaa"
Sa yoo hundi callise kamtu waliif nayaa?
Cabbutti harka kannuun fala namaaf tayaa?

Addunyaa cubbuut dhugaa moohee
Walirratti gatee eenyuut waliif nahee
Dhugaan awwaalamtee shirri dirree bahee
If tahanii jiraachuun shororkeessaa tahe.

Yaa cunqurfamtoota Yaa warra addunyaa
Yaa kan itti hadheessan jiruu fi jireenya
Obsumaan abdannee Rabbii keenya
Abad fuulduraaf injifannoon teenya!!!
_________________________
Najiib Zannuun

~~MOOSINNI NI DABRA!~~

Abdii hin kutatin teessee hin hifatin
Hiraarteen cinqatin ustee hin rakkatin
Ifiin if eergartee Nama hin komatin!

Osoo human qabduu odoo yeroon jirtuu
Kan ariitee qabdu osoo fiiydee baatuu
Moosinni ni dabraa Umriin hin dhaabbattuu
Yeroon takka deemnaan namaaf hin deebituu
Sirumaa hallettuu Keessatti waan waartuu
Si harkaa baanaan lammadan-dhalattuu
Tana yoon saammatin eenyu kan komattuu?

Danta-dhabaan hifattee Calliftee dhiiftee
Qaama qucaacsitee Sammuu adoolsitee
Harka marattee Miila ulfeeysitee
Garaa addeeysitee Mataan yoo maratte,
Eenyu kan komattu  gaafa yeroon kutte?

Jahan fayyaa si harka jirtii
Sumaan ajajamtii
Ka’ii tattaafadhu malli kan abbaatii
Abbbuma qabattii
Kan sirra siif yaadu hin jiru namuutii
Dammaqii sossoo’i hin taphatin fitti.

Gaafa yeroon kuttee waa hundi raawwatte
Hoggaa waa martinuu bakka qaqqabatte
Yeroo dubbiin hundi sitti gara galte;
Gaafa san atis kunoo sheenaa duutee
Silaan akkas ta’een quba if ciniinte.

Kan hiraanni shuummoo yeroon irra kaayyataa
Okkotee beelaa abbat jala shidataa
Yooniif tattaafatte tan yaadde argattaa
If dagattee muuynaan hirriibni siin kuta.

Gaafa gadaa ifii yeroo saammatanii
Jiruufi jireenyi yoo tattaafatanii
Kana tahuu baannaan humaatuun taranii
Ifii Daddabanii Rabbin sakkabanii
Dunquqquu jalatti ciisteen muusahinii
Hirriibarraa ka’i abjuun sin sobinii!

Xiinxalii hubadhuu ifiin if gaafadhuu
Bal’isii yaadii sirritti qoradhuu
Dhugaa fitti himii hifannoo lagadhuu
Dhaamsa kanas hujirra oolfadhu!

Yaabo mee dhagayi hin didin namanaa
Himan-diddeen booddeen isii sheenaa
Gowwoomanii hafuun abbumaaf salphinaa
Kunoo sitti gabaa gorsi kiyya kanaa.
Kunoo sitti gabaa gorsi kiyya kanaa.
___________________
Najiib Zannuun
marsimoonaa@yahoo.com

Walaloo Afaan Oromoo (Ramadaan Kariim) By Najiib Zannuun

#OromoProtests

At the Ambo Massacre, Oromos were targeted on the the basis of their ethnicity by Tigrigna-speaking security forces who don't speak the victims' language, Afan Oromo. 

Students from Ambo University and 11 high schools from the area were peacefully protesting the master plan designed to commit a systematic ethnic-cleansing against an estimated 8-10 million Oromo people from several Oromia's cities and rural districts over 10 years.  

 So far, many of the victims of the brutality have not been identified by name, age and gender, but most of them are high school and university students.  Endale Desalegn (pictured above), a 9th grade student; and Tasfayee Gashe, also a 9th grade student from Liban Macha High School in Ambo, were among the confirmed 30 students and residents gunned down by heavily armed Ethiopia's TPLF soldiers.  An eyewitness in the Afan Oromo audio above describes a horrific scene of how families carrying corpses were made to abandon corpses and flee under heavy fire.   

To save themselves from further atrocities and to prevent the convoys from crossing over to Wallaga and carrying out similar atrocities, Qeerro reported that residents of Ambo and its surrounding fell big trees and blocked main roads going west at 16 different places. 

The Tigrean Peoples Liberation Front government soldiers doing the killings were seen heavily armed not with AK-47, but with high-tech foreign weapons never seen in the area before. While they were taking Oromo lives by many dozens,  the soldiers were seen wearing bulletproof vests to spare their own lives even when they knew people were unarmed.

The protest against the ethnic-cleansing master plan, the Addis Ababa Master Plan, is spreading from universities, to high schools, elementary schools and to rural areas involving a diverse cross section of the Oromo public. 

Despite the non-violent and unarmed nature of the protest all over Oromia, the Ethiopian government has  responded to Oromo questions with heavy violence, which has been its tradition for the last 24 years of  TPLF tyranny.

In a related news, the TPLF soldiers fired on students of Madda Walabu University and residents of Robe town in Bale, southern Oromia.  Widespread violent crackdown and arrests were reported at Adama University, Dire Dawa University and many high schools in the area. 

Frustrated by the tragic news of massacre coming out of Oromia, Oromos in the diaspora tried to tip international media such as CNN, Fox News, Al Jazeera, BBC and CBS to cover the events, but the media have so far turned deaf ears to the plight of the Oromo people just like many of the countries they are based in have done. 

Many on social media expressed disappointment that such a major breaking/developing news is denied international attention. Even one killing by a government who is not a US ally is sure to make it to mainstream American media, but in the case of the Oromo, the gruesome killings of tens of people on the basis of ethnicity are swept under the rug because Ethiopia is considered a US ally in the Horn. 

Advocates for  Human Dignity, a human rights non-profit based in the United States, issued a press release and condemned the widespread crackdown against peaceful protesters in Oromia, saying: 

    

It is with deep concern that Advocates for Human Dignity learned of the appalling and atrocious acts of human rights violations by the Ethiopian go-vernment against peaceful public protesters and innocent university and high school students in Oromia region. In different districts of the region including Ambo, Bale, Adama, Dire Dawa, Gimbi and Dembi Dollo, where students and the public went out on the street to claim their constitutional right, the government responded with bullets and beatings and dozens are reported dead.... AHD expresses its concern that the government of Ethiopia continue to diminish its own citizens by extra-judicial killings and dispossession of indigenous people from their heritages. We strongly condemn the widespread and systematic violations of human rights - See more at: 

The Oromo protests across Oromia state is a developing story and the number of people killed, injured, arrested and disappeared will emerge gradually. The most concerning issue is the fact that the violence against Oromo are not receiving attention commensurate with the amount of violence suffered everyday under Ethiopia's regime.

DUBBADHU FINFINNEE

Dubbadhu Finfinnee maaliif nu calliftaa?

Ati tan eenyuuti sodaa maaliif ustaa?

Dubbadhu har’aa yeroon ati dubbattuu

Baaqaa fi callaa kan adda nuuf baaftu

Sagalee olfuudhi callisuun hin taatuu.

Gafarsaaf Qabbannaa,Aqaaqiif Gullallee

Kolfeef Kotobee,Birbirsaaf Boolee

Warri habashootaa sirratti wal-lolee

Dubbadhu yaa Shaggar callisuun hin mallee.

Yaa lafa seenaa haadhoo too yaa tiruu

Diinni maalumaaf sitti wal jijjiiruu?

Hanga yoom obsita,maaf callifte garuu?

Yaa lafa seenaa tan Maccaa –Tuulamaa

Handhuura Oromoo Booranaa Bareentumaa

Habashoonni maaliif lafa tantee saamaa?

Dhiiroo dubbadhu mee yeroon tantee ammaa.

“Ani tan Oromooti!” jedhii mee dubbadhu

Gootoota kee jaboo kalee san yaadadhu

Lammiin-tee si yaamtii mee jalaa owwaadhu

Amma booda gahee mataa ol qabadhu.

Warri kaabaa garayyuun si marsee

Adda si kitifee lammii-tee facaasee

Jarri naasuun qabne bar sitti roorrisee

Garuu maa callifte? Akkamiin dandeessee?

Nafxanyaan kaleessa waan meeqa si gootee

Odaa yaa’aa Gullallee;siidatti geeddartee

Seexaana gurraacha lafakeerra goote

Eegaa gaaf-sanillee hacuuccaaf calliftee

Har’a hoo maal tahuuf afaan kee qabattee?

Isaantu sit-dhufee ati ittin dheeynee

Koottaa jettees bar waa hin waammannee

Si keessat quufanii warri galatan hin beeyne,

Duuba maaf si miidhu,dubbadhu Finfinnee.

Jaarraa tokkoon dura alagoonni hin turree

Jarri ergasumaa si keessat wal guuree

Addaan si mogolee bakka meeqatti ciree

Maqaa kiristinnaan kan duraa jijjiiree

Akka fedhasaanii fuudhuun waliif hire.

Jarattiin of-qolli way sittti hambisanii

Maqaa kee dhiisanii ofiin moggaasanii

Afaan kee dhooysanii dursan kan isaanii

Tan ofii mul’isuun Aadaa-tee ukkaamsanii

Si dhabamsiisuu-dha jarri kan hedanii

Mormii mee falmadhu laaftuttin laalinii.

Dubbadhu Finfinnee nu jalaa hin didinii.

Dubbadhu akkas jedhii sabni si dhagayaa,

“An tan Oromooti,ilmaan Oromiyaa

Gabrummaan kaleessaa asirrat naaf gaya”

Akkas jedhii kunoo mirga keef falmadhu!

Si dhabamsiisuufii, Finfinnee dubbadhu!

_________________________

Najiib Zannuun
http://youtu.be/SDjBnY7Az5I

OMN: Qophiilee Ebla 22, 2014

BAQATTOONNI SHORORKEESSITOOTAA MITI!

Ummanni Oromoo biyya isaa badhaatuu,quuftuu fi tan waan hundaan guuttamte Oromiyaa keessatti if tahee jiraachuu dadhabuun;mirga namummaa isaa mulqamee dararaa,hidhaa,tumamuu fi gidiraa adda addaa argaa jiraachuun beekkamaadha. Biyyaaf biyyoo isaa tan Oromoo bira tartee alagallee quubsitu irratti abbaa biyyummaa dhabee lubbuu isaa baasuuf erga baqachuu eegalee baroota dheeraa lakkoofsisee jira.Biyyoota ollaa garaa garaa keessattis lubbuun baqatee kolu galtummaan jireenya wabii hin qabne jiraachaa jira. Yeroo garaa garaatti biyyoota akka Kenya,Somaaliyaa,Suudan,Jibuutii fi tan biraa keessattis rakkoo deddeebi'uun irra gayaa jirtuun dararamaa,ajjeefamaa fi hidhamaa jiru.Biyya isaa irraa lubbuun biyyaa bahee biyya ambaattis kan lubbuun isaa mootummaa biyya itti baqateen qisaas tate lakkoofsa hin qabu.

Ergaramni baqattoota Oromoo irratti gahaa jiru kun kan yeroo takkaa fi lamaa osoo hin taane,irra deddeebi'uun kan godhamaa jiru.Qaamni isaaniif dhimmamus hanga arraatti waa hin argamne.Dhaabbiileen dhimma Baqattootaaf falmina jedhanis furmaanni isaan kennan tokko hin jiru.Yeroo gochaan suukanneessaan baqattoota irra gahu harka maratanii taa'uu malee isaanii dhimmamu hin agarre. Baqattoonnis carraa biraa waan hin qabneef jiruu qarree afaanii tan wabii hin qabnetti harka ifii kannatanii jiraachuu itti fufan.

Addatti garuu dhimmi baqattootaa kan biyya Keeniyaa(Kenya) kan hammaachaa deemu malee kan furmaata argatuu miti.Keeniyaan biyya baqattoonni Oromoo kumaatamaan lakkaawwamu keessatti argaman yommuu tahu;Baqattoonni Oromoo biyya san jiraatan jiruu garam-gorraa jiraachuun jiruu if jiraachisan. Garii dhoortoo namoonni biyyoota sadaffaa irraa isaaniif erganiin jiruu ifii ooffatu.Sanumaanuu nagaya argatanii jiraatanii hin beekan. Poolisii fi waraana biyyattiin saamamaa,dararamaa fi hidhamaa jiraatu.Poolisiin Keeniyaa Baqataa tokko yeroo qabu kan maallaqa qabu yoo kafale gad lakkisan.Kan hin qabne garuu kiishni isaa sakatta'amee yoo keessaa argatan fudhatanii gad lakkisu. Yoo hin qabaanne mana hidhaa geeffamuun himannaa inni irraa quba hin qabne itti banuun hidhama.Yeroo hidhaman kanneen maallaqaan bahan maallaqni isaan qaban kan dhortoo isaaniif ergamu,kan harkaa fi afaan bira hin dabarre irraa agabanii poolisii biyyattiin saamamu.

Gochaaleen akkanaa kun kan irraa addaan citu osoo hin taane kan jabaachaa deemu.Kana hunda obsanii waan godhan dhabanii jiraatu.Mootummaa biyyattii irratti yoo gochaan shororkeessitootaa tokko raawwatame;jalqaba kan isaan irratti fuulleeffatan baqattoota.Baqattoonni shororkeessitoota osoo hin taane, roorroo alagaan irratti raawwatamte tan lubbuun jiraachuu isaan kutte dheefa warra baqate.

Yeroo ammaan tanaa garuu rakkoon mootummaan Keeniyaa(kenya) baqattoota irraan gahaa jiru,kan ifaan ifatti jibbinsa baqattootaaf qaban mul'isuudha.Kan hidhamanii hidhaa jiran hanga hin qabu. Kan harka lafa jalaan mootummaa biyya irraa baqataniif dabarfamee kannames hedduudha.Kanneen osoo hin hidhamin hafanis manaa gad bahuu dadhabanii mana keessatti beelaa fi dheebuun agabuun jiraachutti jiru.Dhaabbanni Dhimma Baqattootaa (UNHCR)maqaaf baqattootaaf haa dhaabbatuu malee gara saniin furmaanni laatame tokkolleen hin jiru.

• Xumura irratti haalli baqattootaa kun kan daran hammaachaa kan jiru waan taheef,Oromoonni biyyoota garaa garaa keessatti argamtan yeroo callisanii laalan waan hin taneef,namuu bakka jiruu gurmuudhaan bakka imbaasii KENYA argamtuu fi qaama dhimma baqataaf falmutti akka iyyattan kabajaan isin gaafadha.Galatoomaa!

_____________________________

Najiib Zannuun