IF TAHI Sesseeqii kokkoflii gammadii taphadhu
Xaliilii bareedii miidhaga qabaadhu
Calalaqii urgaawii walalaqii mul'adhu.
Mataa kee ol qabadhu if tahii jiraadhu.
Xiqqoo guddoof gubattee aartee hin dallaninii
Fuula guuraa if nyaattee if hin miidhin yaadaanii
Odoo guyyuu hiraartuu dhukkuba irra hin bu'inii
Mimmi'eessii jiraadhu mataa keetii daranii
Dubbii namaaf jattee qish hin jedhin xiqqollee
Ololaa fi jette jetteef bakka hin kennin yoomillee
Waan dhageesse maraahuu hin amanin jarjartee
Afaan namaatti deemtu ni sheenooyta gaabbitee.
Si kabajan kabajii si jaalatan jaaladhu
Kan boonu itti booni kan tee qabuun dubbadhu
Haalaa amala toli hanga keetis beekkadhu
Waa hundi ni dabarti laaffisiituma furadhu.
Kufiinsaa fi hamtuu tee fedhee kan siin jaalatu
Arkattu sitti hinaafee garaan isaa gubatu
Sin fayyadu si miidhu tuffattee jalaa ustu
Ifii boonii mirqaani adawwiin bal haa taatu.
No comments:
Post a Comment